Colin Renfrew

Andrew Colin Renfrew (Stockton-on-Tees, 1937ko uztailaren 25 – Cambridge, 2024ko azaroaren 24a) arkeologo ingelesa izan zen.

Batez ere bi libururengatik da ezaguna. Lehenengoan, 1974ko ''Before Civilisation: The Radiocarbon Revolution and Prehistoric Europe'' (Zibilizazioaren aurretik: Irratikarbonoaren Iraultza eta Historiaurreko Europa) liburuan Historiaurrean berrikuntzak Ekialde Hurbilean sortzen zirela eta hortik Europara hedatzen zirela zioen iritziari erronka egin zion.

Bigarrenean, ''Archaeology and Language: The Puzzle of the Indo-European Origins'' (euskaraz ''Arkeologia eta mintzaira: Indoeuroparren enigma'', Gaiak, Donostia, 2002) liburuan, Anatoliako hipotesia garatu zuen. Horren arabera, indoeuroparrak ez ziren hedatu Kurgan kulturatik, 2000 urte lehenago Anatoliatik baizik. Nekazaritzarekin batera olatuen moduan, motel, ez migrazio bortitzen bidez, zabaldu ziren Europara pixkanaka. Wikipediatik informazioa lortu